Од почетокот на оваа година, заедно со нашите партнери Forum for Educational Change – FECH и IDUEP Institute работевме на анализа за состојбата со дигитализација на македонските државни универзитети. Преку инклузивен процес каде ги вклучивме сите релевантни чинители, успеавме да изработиме публикација која содржи голем број конкретни мерки и предлози за дигитална трансформација на образовниот процес.

Првиот панел опфати отворена дискусија на институционалните претставници од министерствата и универзитетите со студентите за нивните образовни потреби и проблеми. На вториот панел, кој беше модериран од страна на нашата претседателка Мила Младенова, гости ни беа претседателите на универзитетските студентски собранија при УКИМ, УГД и УКЛО, кои споделија свои видувања за процесот на дигитализација, како и добри практики и искуства на своите универзитети.

На крајот, потпишавме декларација со 8 заложби за унапредување и олеснување на студирањето, како и справување со предизвиците што ги носи 21 век. Оттука, заедно со нашите партнери се обврзуваме да соработуваме со цел оваа визија да стане реалност!

Преземи ја публикацијата на македонски или албански јазик.